Audit #12

**Operator:** გამარჯობა, თამარი გისმენთ. **Customer:** გამარჯობა. მივემგზავრები ჰოლანდიაში და მაინტერესებს თქვენს ქსელში როგორ ხდება როუმინგის ჩართვა. სულ ჯეოსელით ვსარგებლობ ხოლმე და... **Operator:** ანუ ძალიან ცუდად მესმის, თქვენი ხმა წყდება. ჰოლანდიაში მიემგზავრებით? **Customer:** დიახ. **Operator:** დიახ. **Customer:** ჰოდა მაინტერესებს ინტერნეტიც მინდა და სასაუბროც ამავდროულად. **Operator:** კი ბატონო, მცირე დროით დარჩით ხაზზე, მოგაწვდით ინფორმაციას. (მუსიკა/ლოდინი) **Operator:** მადლობა ლოდინისთვის, გესმით ხომ ჩემი ხმა? **Customer:** დიახ, დიახ. **Operator:** ანუ, როგორც ვამოწმებ, კი ბატონო, ნიდერლანდებთან, ანუ იგივე ჰოლანდიასთან შეგიძლიათ რომ გამოიყენოთ ინტერნეტი. გვაქვს 4G მხარდაჭერა. შესაბამისად, თუ მეგაბაიტებით სარგებლობა გსურთ, გამოგიგზავნით კომბინაციებს. ეს არის ევროპის პაკეტების კომბინაციები. გიგზავნით კომბინაციებს, SMS-ით მიიღებთ, შეარჩევთ თქვენთვის სასურველს. შესაბამისად, თუ ჩვენი აპლიკაციით სარგებლობთ, აპლიკაციიდან შეგიძლიათ როუმინგ ტარიფებში გადაბრძანდეთ, ევროპის პაკეტში და აქედან შეარჩიოთ თქვენთვის სასურველი. თუმცა მე უკვე კომბინაციებს გამოგიგზავნით. შესაბამისად, პარამეტრების გასწორება არ დაგჭირდებათ, რადგან როგორც ვამოწმებ, გიფიქსირდებათ ჩვენთან უკვე ინტერნეტთან წვდომა. სასაუბროს რაც შეეხება, როუმინგ ტარიფი რომ გაგიაქტიურდეთ, მინიმუმ ბალანსზე უნდა გქონდეთ ზარის წამოწყებისთვის 3 ლარი. გეჭრებათ ზარში, ზარის წამოწყებაში 3 ლარი და 10 უფასო წუთი გერიცხებათ. ამ 10 უფასო წუთს გნებავთ ერთ აბონენტთან დახარჯავთ, გნებავთ დღის განმავლობაში თბილისის დროით 12 საათამდე ნებისმიერ სხვა აბონენტთანაც გამოიყენებთ. შესაბამისად, 10 წუთი ღირს 3 ლარი. **Customer:** ზარი რომ გაწყდეს 10 წუთი ყოფს რამეს და... **Operator:** არა, ბალანსზე... არა, ბალანსზე უნდა გქონდეთ თანხა, რომ სასაუბრო გამოიყენოთ. სასაუბროსთვის ბალანსიდან ჩამოგეჭრებათ ეს. **Customer:** ბატონო? **Operator:** რა თქმა უნდა, თავისით ჩამოიჭრება. როგორც კი ზარს წამოიწყებთ, ზარის წამოწყებაში გეჭრებათ 3 ლარი და გიაქტიურდებათ... **Customer:** 10 წუთი არ მეყოფა და ვთქვათ ნახევარი... **Operator:** გაგიგრძელდებათ, კი ბატონო, ისევ შესაბამისად ჩამოგეჭრებათ კიდევ 3 ლარი და შესაბამისად კიდევ 10 წუთი შეგიძლიათ ისაუბროთ. **Customer:** აჰა. და საქართველოდან ვინც დამირეკავს, მასაც ამ ტარიფით ჩამოეჭრება? **Operator:** დიახ, ანუ საქართველოდან ვინც დაგირეკავთ, მათ სტანდარტულად ჩამოეჭრებათ თვითონ, მაგრამ თქვენ, რა თქმა უნდა, შემომავალ ზარზეც რადგანაც როუმინგში იმყოფებით, ისევ 3 ლარი ჩამოგეჭრებათ. ამისთვის ბალანსზე უნდა გქონდეთ აუცილებლად თანხა. **Customer:** გასაგებია. და ინტერნეტზეც რომ დამაკვალიანოთ, უფრო კარგად, ანუ რა ფასით არის ეს პაკეტები? **Operator:** ანუ ყველა პაკეტი არის ერთთვიანი. 1 გიგაბაიტიც შეგიძლიათ ერთი თვით გაიაქტიუროთ და შესაბამისად, ნებისმიერი, ყველა არის ერთთვიანი ჩვენთან. თქვენს გახარჯვაზეა, რა თქმა უნდა, დამოკიდებული, თქვენ რა სიხშირით გამოიყენებთ ინტერნეტ პაკეტებს. გვაქვს 1, 3, 5 და 10 გიგაბაიტი. მაქსიმალური 10 გიგაბაიტია და 65 ლარი ღირს. შესაბამისად, მაგალითად თუ 1 გიგაბაიტი გაიაქტიურეთ და ამოგეწურათ, ასეთ შემთხვევაში მესენჯერს, ვაიბერს, ვოთსაფს იყენებთ ასე ვთქვათ მეგაბაიტების ხარჯვის გარეშე. ანუ რაც ნიშნავს, რომ შეგიძლიათ მოკლე ტექსტური შეტყობინებები გააგზავნოთ მხოლოდ. ასევე თუ გუგლ მეფსის აპლიკაცია გაქვთ ჩამოტვირთული, გუგლ მეფსსაც ასე ვთქვათ მეგაბაიტების ხარჯვის გარეშე იყენებთ. **Customer:** აა, ანუ არაფერი არ ჩამომეჭრება... **Operator:** რა თქმა უნდა არაფერი არ ჩამოგეჭრებათ. **Customer:** უფასო მეგაბაიტებით უნდა ვისარგებლო და გამოდის, რომ ის 1 გიგაბაიტი არც დამჭირდება მაშინ. მესენჯერით და გუგლ მეფით თუ უნდა ვისარგებლო ძირითადად. **Operator:** კი ბატონო. მაშინ შეგიძლიათ, რომ... მთავარია ჩამოტვირთული გქონდეთ აპლიკაცია გუგლ მეფსი. **Customer:** გასაგებია. და ინტერნეტი თავისით ჩაირთვება, პაკეტს რომ ვიყიდი არაფერი არ დამჭირდება ხო? **Operator:** დატა როუმინგის ღილაკი აუცილებლად უნდა გქონდეთ მომართული. **Customer:** ააა, ანუ დატა როუმინგის... **Operator:** ღილაკი აუცილებლად, რომ რა თქმა უნდა ტელეფონიდან გააქტიურებული გქონდეთ. გამოგიგზავნით ამის ინსტრუქციასაც დატა როუმინგის ღილაკი რომ ჩართოთ. **Customer:** და ანგარიშზე უნდა მქონდეს რამე თანხა? **Operator:** თანხა, რა თქმა უნდა, პაკეტის ჩასართავად თუ აპლიკაციიდან ჩართავთ... **Customer:** არა, პაკეტის ჩასართავად ბუნებრივია. უბრალოდ პაკეტს რომ ვიყიდი ამის გარდა ანგარიშზე კიდევ უნდა მქონდეს თანხა რამე? **Operator:** თუ სასაუბრო გნებავთ რომ გამოიყენოთ და ზარები განახორციელოთ და შემოგივიდეთ, რა თქმა უნდა უნდა გქონდეთ მინიმალური 3 ლარი, როგორც მოგახსენეთ. თუ მხოლოდ ინტერნეტისთვის გჭირდებათ, სხვა თანხა არ არის საჭირო, ინტერნეტს ჩვეულებრივ გამოიყენებთ, რადგან უკვე ჩართული გექნებათ. **Customer:** აჰა, გასაგებია. სხვა ისე როუმინგისთვის რამე კოდი ავკრიფო და ჩავრთო არაფერი არ მჭირდება დამატებით ხო? **Operator:** დამატებით სხვა კოდი არ გჭირდებათ. მთავარია როუმინგ პაკეტი გქონდეთ გააქტიურებული, მობილური ისრებს გააქტიურებთ და ჩვეულებრივ როუმინგში გამოიყენებთ ინტერნეტს. **Customer:** აჰა, გასაგებია. კარგით, ეს მაინტერესებდა. მადლობა დიდი. თუ რამეა დაგიკავშირდებით. **Operator:** კი ბატონო. **Customer:** იქიდან დარეკვა შემეძლება რამე რომ იყოს რამეში რომ... **Operator:** კი, რა თქმა უნდა, შეგიძლიათ განახორციელოთ ჩვენთან ზარი. იქიდან დარეკვა არის უფასო. შემიძლია ჩვენი ნომერი მოგანიშნინოთ როუმინგში. შესაბამისად ამ ნომერზე განახორციელებთ ზარს და ჩვენ რა თქმა უნდა დაგეხმარებით თუ რაიმე ხარვეზი შეგექმნათ. მოინიშნავთ ნომერს? **Customer:** SMS-ით ვერ გამომიგზავნით? **Operator:** რა თქმა უნდა, SMS-ით გამოგიგზავნით. საუბარს რომ დავასრულებთ, მიიღებთ. **Customer:** კარგით, უღრმესი მადლობა. ეს მაინტერესებდა. დაგემშვიდობებით. **Operator:** დაგემშვიდობებით, მადლობა ზარისთვის. ბედნიერ მოგზაურობას გისურვებთ, ნახვამდის. **Customer:** მადლობა, ნახვამდის.